Gå rett til innhaldet, meny eller søk.

Skriftstørrelse: Liten Mellomstor Stor

Framsida

Om Fusa

E-post/tlf.

Tenester

Betalingssatsar

Søk

Abonnér på nyhende

Informasjon
Fusa kommune Postboks 24 5649 Eikelandsosen Telefon: 56 58 01 00 Telefaks: 56 58 01 02 e-post til kommunen e-post til redaksjonen

Meny

Framsida

Ledige stillingar ved PPT

(28.07.2010)

Ved PPT er det ledig 80% fast stilling som spesialpedagog frå 01.10.2010 og vikariat for psykolog/PP-Rådgjevar i 100% stilling frå 01.08. 2010

Les meir her

Opningstider i sommar

(11.07.2010)

Opningstider i Kommunetunet og Fusa folkebibliotek sommaren 2010 finn du her under kunngjeringar.

Turkart for Fusa

(11.07.2010)

Fusa kommune sitt turkart er fortsatt i sal. Kartet syner heile kommunen og gjer det lettare å finna fram for turgåarar og eit aktivt frililuftsliv. Det er også ein fyldig tekstdel med informasjon om turar og attraksjonar. Du kan kjøpa kartet i dei fleste nærbutikkane, på Fjord'n senter, bensinstasjonen i Eikelandsosen og på rådhuset Kommunetunet. God tur i Fusa!

Kreative eldre

(02.07.2010)

Artige pingvinar frå utstillinga på FBBS Foto: ERV

Torsdag 24. juni var det høgtidleg utstillingsopning på Fusa bu- og behandlingssenter. Utstillarar var eldre fusingar som har hatt keramikkverkstad med Joy Kvamme som eit tilbod frå Den kulturelle spaserstokken. Resultatet vart ei fargerik og fin utstilling med alt frå morsomme pingvinar, til fargerike skilpadder og fikse dørskilt. [Les meir]

Opning av sansehage

(24.06.2010)

Sansehagen kan by på ein spennande flora på somarstid

Sansehagen ved Fusa bu- og behandlingssenter vart offisielt opna onsdag 16. juni. Snorklippinga vart utført av eldrerådsleiar Johannes N. Lygre. Kring 50 personar var tilstades på den høgtidelege opninga av den nye hagen som er laga til med stor dugnadsinnsats og mange bidrag frå private. [Les meir]

Kommunestyremøte i juni 2010 og ekstramøte

(11.07.2010)

Kommunestyret i Fusa har møte 24.06.10. M.a. 1. tertialrapport og sak om utgreiing av oppvekstsenter i Eikelandsosen er saker som skal handsamast. Formannskapet handsamar teritalrapporten i ekstramøte 22.06.10 og gjev då tilråding til kommunestyret. Innkallingane og møteprotokolane til møta finn du her under politiske saker. Planutvalet har ekstramøte 29.06.10.

TV-aksjonen 2010

(23.06.2010)

Frå innsamlingsaksjonen i 2009. Foto: Fusa frivilligsentral

TV-aksjonen 2010 går til inntekt for Flyktningehjelpen og innsamlingsdag er søndag 24. oktober. Fusa frivilligsentraal utfordrar lokalmiljøet til kreativitet og engasjement. Kanskje ein kan få til lokale arrangement og tiltak ute i bygdene til inntekt for aksjonen? Sentralen ber også FAU ved skulane, barnehagane, oppvekstsenter om hjelpa til med å skaffa bøsseberarar. [Les meir]

Tid for ferieklubb

(23.06.2010)

Siste veka i juni er det ferieklubb for born i regi av Fusa frivilligsentral. 30 born får dermed eit allsidig aktivitetstilbod i starten på skuleferien. [Les meir]

UNICEF-runde i Strandvik

(22.06.2010)

Borna ved Strandvik oppvekstsenter på lag med UNICEF Strandvik oppvekstsenter har valt å vera eit UNICEF - oppvekstsenter. Dei arrangerer m.a. Unicef-runden der dei kombinerer fysisk aktivitet og solidaritetsarbeid. Dette skuleåret har dei samla inn heile 20.155 kroner til UNICEF ved å gå og springa!

[Les meir]

Ledige plassar i Jettegryto barnehage

(22.06.2010)

Jettegryto barnehage i Eikelandsosen har ledige plassar alle dagar frå 1. august. Søknadsskjema kan ein få i barnehagen eller lasta ned her. Søknaden skal leverast eller sendast til barnehagen. Plassar blir tildelt fortløpande.

Tilskot til ungdomstiltak 2010

(22.06.2010)

Fusa ungdomsråd lyser ut tilskotsmidlar til ungdomstiltak for 2010. Søknadsfrist er 1. september.

[Les meir]

Fusa-rock til topps i Bergen

(21.06.2010)

Fusa-bandet "Cockroach Agenda" gjekk til topps og vart kåra til beste rockeband under Eggstock-festivalen i Bergen denne helga. Fusa-gjengen var yngste band av i alt 24 som var med i konkurransen. 1. premien er m.a. spelejobb på Lost weekend festivalen 5.-7. august og innspeling av eigen CD. Fusa kommune gratulerer!

Vinnes Festivalen 2010

(21.06.2010)

18. og 19. juni vert VinnesFestivalen arrangert på Vinnes med mange aktivitetar for både born, ungdom og vaksne.
Her på heimesida deira finn du meir informasjon om aktivitetane.

Ny Plan- og bygningslov - Byggesaksdel

(10.06.2010)

Frå 1.juli 2010 skal byggesaksdelen til ny Plan- og bygningslov (Pbl) iverksetjast. Plandelen til Pbl vart iverksett frå 1.juli 2009. Dagens 3 forskrifter til lova ( TEK, SAK og GOF) blir erstatta med 2 nye, Byggteknisk forskrift (TEK10) og Saksbehandlingsforskrift (SAK10). Nokre av endringane i lova finn vi på områder som, endra reglar for kontroll, større fokus og skjerpa krav på tilgjenge for alle (universell utforming) og oppfølging av ulovleg bygging med tilhøyrande pålegg og sanksjonar.

Les meir her.

Drømmestipend til Håvard Skåtun

(04.06.2010)

Ordførar Hans Vindenes delte ut blomar og diplom til Håvard. (Foto: Are Fløisand).

Multimusikar Håvard Grøndal Skåtun på 15 år fekk tildelt Drømmestipendet for 2010 under eit arrangement i Nesjaheimen på Vinnes torsdag 3. juni. Han fekk eitt av i alt 100 stipend som vart delt ut nasjonalt av Norsk tipping og Norsk musikkskoleråd denne dagen. Fusa kommune gratulerer! [Les meir]

Unge fusingar på festspel i Bergen

(04.06.2010)

Fusa var representert med musikk og dans (foto Are Fløisand)

Onsdag 2. juni var Barnas festspilldag i Bergen og Fusa kulturskule og og Fusa oppvekstsenter fekk visa eit dristig samarbeidsprosjekt frå friluftsscenen på Torgalmenningen. [Les meir]

Møter i politiske utval i juni 2010

(04.06.2010)

I veke 23 og 24 er det møteveka for dei politiske utvala i Fusa. Oversikt over møta finn du i kunngjeringa. M.a. 1. tertialrapport og saka utgreiing av oppvekstsenter i Eikelandsosen er saker som skal handsamast. Meir informasjon finn du under politiske saker .

Kva meiner brukarane om tenestene?

(04.06.2010)

Leiarane Gerd Syvertsen, Anne Skagseth og Helen Koldal er ansvarlege for spørjeundersøkingane

Fusa kommune gjennomfører no ei spørjeundersøking retta mot dei som får pleie- og omsorgstenester i Fusa, det vil seia dei som bur på institusjon eller får heimetenester. Ein spør også pårørande til dei som bur i institusjon. Målet vårt er å kunna yta gode pleie- og omsorgstenester som er i tråd med dei behova kvar og ein har, slik at innbyggjarane opplever å ha ”gode kår i alle år”. [Les meir]

Kommunestyremøte i mai 2010

(01.06.2010)

Kommunestyret i Fusa har møte 26.05.10. Mange saker skal då handsamast m.a. velferdplan, oppvekstplan, brannsamarbeid med Samnangar. Innkallinga er lagt ut her.

Får flytta heim

(20.05.2010)

Familien på Skåte, som har vore evakuert frå bustadhuset sitt sidan raset natt til 29. april, får flytta heim att. Etter synfaringar og oppmålingar på rasstaden er det gjennomført rassimuleringar langs skredprofilen. Geologen konkluderer med at det ikkje er fare for at steinskred skal nå bustadhuset og fritidsbustaden på nabotomta. Det skal gjennomførast tilsvarande kartlegging av fjellsida på Skåte frå gbnr. 77/3 til rasstaden.

Evakueringa held fram

(12.05.2010)

Den geologiske granskinga av rasområdet på Skåte er i gang. Multiconsult har utført skredsimuleringar etter skredet 29. april. Fusa kommune ventar på vidare gransking i terrenget, og opprettheld difor evakueringa til endeleg geolograpport og framlegg til vidare tiltak er klare.

Framleis evakuering

(07.05.2010)

Fusa kommune ventar framleis på vidare geologisk gransking av rasområdet på Skåte. Kommunen har difor i samråd med lensmannskontoret i Fusa vedteke å oppretthalda evakueringa av det utsette bustadhuset og fritidsbustaden.