No vert det dansefeber i Fusa. Fram til påske skal Bergen dansesenter innom alle skulane i Fusa med intensive dansekurs i jazz, break og hip-hop.

Tilsiget til kommunen sine vasskjelder på Helland og Skjelbreid er no så lite at kommunen må ta i bruk reservevassforsyning frå Skjelbreidvatnet frå måndag 22. februar og inntil vidare.

I samsvar med løyve frå Mattilsynet vert abonnentane oppfordra til å koka vatnet dei fire første dagane frå mandag, og deretter fylgja informasjon på kommunen si heimeside.

Tilsiget til kommunen sine vasskjelder på Helland og Skjelbreid minkar mykje. Ein uvanleg lang periode med lite mildver og regn er årsaka. Dersom det kalde veret held fram, vil det kunna vera fare for at dei abonnentane som bur høgast blir utan vatn deler av døgnet. Abonnentane på Eikelandsosen og Holdhus vassverk blir difor oppmoda om å bruka minst mogeleg vatn.

I samband med reguleringsplanarbeidet for Eikelandsosen sentrum vart det sett i gang arbeid med ein ny stadanalyse. Det er konsulentfirmaet Asplan Viak Bergen a.s som har hatt oppdraget.
Stadanalysen skal vera med å leggja rammene for dei endringane som skal gjerast med reguleringsplanen. Les meir her.

Liv Kjersti Eikeland frå Hålandsdal idrettslag og Eikelandsosen vart i dag måndag 18. januar utteken i Noreg sin tropp til dei olympiske leikar i Vancouver. Fusa kommune gratulerer!

Torsdag 28. januar skipar Fusa ungdomsråd til Ungdommens kulturmønstring. I år vert scenearrangementet i Eikelandsfjorden samfunnshus med start kl 18.00, medan utstillinga vert lagt til Kommunetunet. Påmeldingsfrist for deltakarane er torsdag 21. januar kl 23.00. Påmeldinga skal i hovedsak skje på www.ukm.no. Du kan også få hjelp med påmelding gjennom kulturskulen eller kulturkontoret

Berit Jorunn Rolfsnes er tildelt Norges Vel sin medalje for lang og tru teneste i Fusa kommune. Tildelinga vart markert på juleavslutninga på Holdhus oppvekstsenter 21. desember.

Vaksineringa mot influensa A (H1N1) held fram i Fusa. Helsestyresmaktene oppfordrar framleis til vaksinasjon mot svineinfluensa for folk flest eldre enn 6 månader. Personer som ikkje har fått høve til å vaksinera seg, kan no ta kontakt enten ved Helsesenteret i Eikelandsosen på telefon 56 58 02 90 eller ved Fusatun legekontor telefon 56 58 00 10 for å få satt vaksinen etter avtale. Fusatun legekontor held stengt til og med 19. januar

Ella Marie Brekke Vangsnes vart tildelt Fusa kommune sin kulturpris 2009 i kommunestyremøtet 16. desember. Driftsutvalet har gjort vedtak etter innstilling frå kulturprisnemnda i Fusa.  Utvalsleiar Øyvind Nordbø sa i høve utdelinga at han var imponert over den mangfolde innsatsen innan kulturlivet i Fusa. Ordførar Hans S. Vindenes overrakte prisen; eit bilete måla av Bente Dankertsen. [Les meir]

Det er 100 doser Pandemrix vaksine mot svineinfluensa i rest etter massevaksineringa av personar under 39 år i forrige veke. Dei 100 dosene vert no tilbydd til Fusa kommune sine innbyggjarar, uavhengig av alder tysdag 01.12.09 ved Fusa helsestasjon kl 1530- 1830 (eller til vi går tom for vaksiner [Les meir]

I Fusa står handsaming av budsjett 2010 m/avgiftsbudsjett og investeringsbudsjett samt økonomiplan for 4-års perioden 2010 - 2013 på agendaen. Kommunestyret fekk i veke 46 utdelt budsjettnotatet frå rådmannen.   Kommunen sin økonomiske situasjon er alvorleg. Etter at drifta er framskriven frå 2009 til 2010, har vi ein underdekning på 4,1 mill. for 2010.  26.11.09 vart saka handsama i formannskapet.  Under les meir finn tilrådinga frå formannskapet,  budsjettdokumenta og meir informasjon om budsjettprosessen. [Les meir]